გაზაფხულზე სტამბოლი განსაკუთრებულად ცოცხლდება, მაგრამ აპრილში ის ნამდვილ ზღაპრად იქცევა. სწორედ ამ დროს იმართება სტამბოლის ტიტების ფესტივალი - ფერების, სურნელებისა და კულტურის ზეიმი, რომელიც ქალაქს სრულიად ახალ იერს აძლევს. თუ ოდესმე გიფიქრიათ სტამბოლში მოგზაურობაზე, ეს პერიოდი ერთ-ერთი საუკეთესო არჩევანია.

ტიტების ისტორია და სტამბოლი

ბევრმა არ იცის, რომ ტიტა სინამდვილეში ნიდერლანდებიდან კი არა, ოსმალეთის იმპერიიდან გავრცელდა ევროპაში. სწორედ ამიტომ ტიტების ფესტივალი სტამბოლისთვის მხოლოდ დეკორაცია არ არის - ეს ისტორიის, ტრადიციისა და იდენტობის ნაწილია. ქალაქის პარკებში მილიონობით ტიტა ირგვება სხვადასხვა ფორმითა და ფერით, რაც ძველ ოსმალურ ორნამენტებსა და თანამედროვე დიზაინს აერთიანებს.

ემირგანის პარკი - ფესტივლის გული

ტიტების ფესტივლის მთავარი ლოკაცია ემირგანის პარკია. აქ შესვლისთანავე იგრძნობ, რომ ჩვეულებრივ პარკში აღარ ხარ - ფერადი ტიტების ზღვა, ბოსფორის ხედები და მშვიდი ატმოსფერო დაუვიწყარ გამოცდილებას ქმნის. იდეალური ადგილია როგორც ფოტოებისთვის, ისე უბრალოდ სეირნობისა და ქალაქის ხმაურისგან დასვენებისთვის.

ბოსფორი და გაზაფხულის სიგრილე

სტამბოლში ტურის ერთ-ერთი ყველაზე სასიამოვნო ნაწილი ბოსფორზე ნავით გასეირნებაა. ნავიდან დანახული ქალაქი ტიტების ფესტივლის პერიოდში განსაკუთრებით რომანტიკულია.

რატომ ღირს სტამბოლი სწორედ ამ დროს?

ტიტების ფესტივლის პერიოდში სტამბოლი ერთდროულად მშვიდიცაა და სიცოცხლით სავსეც. ეს არის დრო, როცა ქალაქი ბუნებასა და კულტურას იდეალურად აერთიანებს. თუ გიყვართ ფერები, ისტორია, ფოტოგრაფია და ქალაქები, რომლებიც სეზონთან ერთად იცვლებიან -სტამბოლი აპრილში აუცილებლად უნდა მოინახულოთ.

სტამბოლი ტიტების ფესტივლის დროს უბრალოდ მოგზაურობა არ არის - ეს არის გაზაფხულის განცდა, რომელიც დიდხანს გრჩება მეხსიერებაში

დაინტერესების შემთხვევაში ეწვიეთ ლინკს

ავტორი: ქეთევან პაპუაშვილი

ატვირთვის თარიღი: 2026-01-16